So als Erschtes haumer den Brühwürfel in die 500 ml Wasser nei, dann wärd grührt und aufkocht bis das mer halt ah Brü ham. Etzatla kommt die kla gschnittne Zwiefel und die kla gschnittnen Paprika do in die Brü. Dann wörd erst amol kocht, bis des Zeich schee weich is, sunst beißt mer do zu arch druff.

Wenns etz weicher iz, schmeißmer den Schmelkäsbatzen in die Brüh und, wenn der sich aufglöst hat, kummt der Brunch derzu, der wörd ah so lang grührt, bisser aufglöst iz. So etz probierst und denkst noch ob no wos gwürzt wern muss odder obs basst. Des Ganze noch a Weng auf kleiner Hitze köcheln das schee sämich, krämich und schlonzich wörd, in der Zeit dust die Nudeln kochen (10 – 15 min. je nach Nudels).

Und etz? Etz sin die Nudeln fetich? Froch halt net so bleed, Nudeln abgießen, dann stellst die Nudeln und die Sooß aufn Disch, schberst die Dier zu dermit der kanner des Zeich wech fressen ko. Und dann, Nudeln aufn Deller, Sooß auf die Nudeln und neispachteln. Nach der erschtn Gabel voll, Augen zu machn, genießn und MHHHHHHHHH machn!!!

Etz habi alles gessn! Was solln ich etz machn, etz iz der Spaß vorbei, des macht mi traurich? Du die net ohh, hast ja no 250 g Nudeln übrich vom Bäggli. Aber etz, etz dust erscht ermol dein Saustall widder sauber machn, abspühln, Diesch abwischn und die verhungertn Leit vor der Dier wech schlebbn.

HABE DIE EHRE!!!